Casharka 3aad

 Casharka 3aad


HANIYE-BILEEDKA GARKA


Haniye-bileedka garku wuxu ka kooban yahay saddex ba- laq oo leh qaabka bisha oo ku yaala salka garka. Marka ca- loolyarta bidixdu isu-ururiso, dhiiggu wuxu raacaa garka, laa kiin dib uguma soo noqdo caloolyarta, waayo haniyebileedka garka ayaa ooda daloolka u dhexeeya garka iyo calooyarta bidixda.


1. Gar 

2. Aroorayaal sambabeed 

3. Dhegyarta bidixda 

4. Haniye bileedka Garka 

5, Haniye-laba faraarle.

 6. Calool- yarta bidixda 

7. Caloolyarta midigta

 8. Haniye-saddex faraarle 

9. Haniye-bileedka sambabka

 10. Dhegyarta midigta. 

11. Aroore godeedka hoose.

 12. Aroore godeedita sare

 13. Halbowle sambabeedka.


HANIYEBILEEDKA SAMBABKA


Dhiska iyo falka haniye-bileedka sambabku wuxu u dhigmaa dhiska iyo falka haniye bileedka garka, laakiin wuxu ku yaalaa afka halbowle sambabeedka. Marka caloolyarta midigtu isu-ururiso, dhiiggu wuxu maraa halbowie sambabеedka, laakiin dib uguma soo noqdo caloolyarta, waayo haniye bileed ka sambabka ayaa ooda daloolka u dhexeeya halbowle sambabeedka iyo caloolyarta midigta.


XIDIDDADA DHIIGGA EE WADNAHA


Nudaha wadnaha waxa dhiigga u keena halbowle weyn ee la yiraahdo halbowle cimmameed oo ka baxa salka gaara, hoos- na mara gidaarka wadnaha. Halbowle cimmameedku wuxu isu duubaa salka wadnaha. Halbowlahaas waxa ka farcama laamo ku baaha gudaha gidaarka wadnaha.Kaabilaariyadana waxa dhiigga ka soo ururiya aroore qur ah, oo la yiraahdo aroore cimmaameed, Aroore cimmaameedku wuxu dhiigga toos ugu shubaa dalool gaar ah oo ku yaala dheg. yarta midigta, waxana ilaaliya daloolka haniye la yiraahdo ha- niye cimmaameed oo marka dhegyarta midigtu isu-ururiso u diida dhiigga in uu dib u galo aroore cimmaameedka.


JUGLAYNTA WADNAHA


Sida caadiga ah, wadnaha qofka qaangaarkaahi wuxu is garaaca halkii mirirba toddobaatan iyo laba ilaa siddeetan goor, haseyeeshee waxa kordhiya dhakhsaha isgaraaca wadnaha, jimicsiga iyo argagaxa. Isu-ururista iyo hakadka wadnaha waxa ka dha- sha isgaraaca wadnaha oo meerto ah. Marka ugu horreeya waxa isla mar keliya isu-ururisa labada dhegyar, si dhiigga ku jiraa u galo labada caloolyar, kaddib labada caloolyaro ayaa isu-ururi- ya si dhiiggu u galo halbowlayaasha, isla markaas dhegyaroyaa- shu, sidaa darteed wadnuhu wuxu helaa nasasho aad u yar. Muddada nasashadu waxay le'eg tahay muddada caloolyarta iyo

dhegyartu isu-ururiyaan.


 Sidaa darteed muddada juglaynta wadnuhu kala bar waa inta ay is-ururiyaan qolalka wadnuhu, kala barka kalana waa intaa ay nasashada ku jiraan. Isu ururiska qolka waxa la yiraahdaa tuujis kala bixiddana, hakadwadneed. Marka wadnuhu dhakhso isku garaaco waxa yaraata muddada nasashada. Wadnuhu si deg-deg ah ayuu u daalaa haddii ay dheeraato muddada isgaraacu. Wadnuhu wuxu nastaa mar- ka ay buuxsamayaan qolalkiisu. Haddii ay dheeraato mudda da nasashadu waxa hoos u dhaca wareegga dhiigga,waayo dhiig yar ayaa soo gala qolka. Isgaraaca wadnuhu waa mid iswada.


Lasoco qeybta xigta.


W/D: Indha_caad

Comments

Post a Comment

Popular posts from this blog

 Habdhiska taranka ee dumarka iyo Uureyda(Obstetrics). Casharka 18aad Umusha(normal peurperium). Umusha waxaa laga tirayaa maalinta ilmaha iyo mandheertu kasoo baxaan ilmogaleenka, waxay ku egtahay sida caadiga ah maalinta 42-aad.Markay hooyadu ummusho waxaa hoos udhaca dheecaamadii mandheerta soo deyn jirtay (placental hormones). Xilligan waa waqti muhiim ah, maxaa yeellay hooyada jir ahaan,  hoormoonno ahaan, iyo maskax ahaan waxa ku imanaya isbeddel, taasoo ay hooyada kaga soo kabanayso uurka iyo dhalmada Waxa jirro heerar ay marti umusha ama xilliyo. 1;Immediate puerperium:  waa 24 saac ee ugu horreeya ee dhalmada kaddib. 2:Early puerperium: waa isbuuca ugu horreeya dhalmada kaddib. 3:Late puerperium:  waa dhammaadka isbuuca koowaad ilaa lixda isbuuc ee dambe.  Isbeddellada ku dhaca xilliga umusha.   A. Uterus: ilmagaleenka. Dhalmada kaddib ilmagaleenka waxa uu noqdaa mid ku urura xaaladiisa caadiga ahayd, si markaasi u yaraado dhiigga hooyada ku imana ...
Read more

Casharka 53aad

 Habdhiska dheefshiidka (digestive system). Casharka 53aad Portal hypertension  Waa marka uu siyaado cadaadiska arooraha beerka,  caadiyan cadaadiska arooraha waa 5-10mm Hg, cadaadiska arooraha beerka waa marka uu ka sarro marro. 10mm Hg. Beerka waa xubin ku taala dhanka midig ee ubucda caloosha waana xubin jilicsan oo ka sameeysan unugyo badan, midabka beerka waa mid shabaha midabka digirta oo kale waa midab casaan iyo qaxwo isku dhafan, beerka culeyskiisa wuxuu gaarayaa 1.44 ilaa iyo 1.66 kg. Beerka waxaa mara laba xidid oo waa weyn sida halbowlaha beerka (hepatic artery) iyo arooraha beerka (hepatic vein ama portal vein). Halbowlaha beerka wuxuu dhiigga kasoo qaadaa wadnaha gaar ahaan halbowlaha weyn ee lagu magcaabo aorta wuxuuna keenaa beerka. Arooreyaasha beerka waxay dhiigga kasoo qaadaan qeybaha kala duwan ee jirka sida habdhiska dheefshiidka, beeryaraha iyo xubinta ganaca wuxuuna keenaa beerka, beerka ayaa suntan ka saara iyo wixii nafaqo ah kadibna u gudbiya jir...
Read more

Casharka 52aad

 Habdhiska dheefshiidka (Digestive system). Casharka 52aad Ascites Waxa dheecaan ku urura godadka  xubnaha caloosha, waxa uu ka yimadaadaa beerka oo adkaada, xaalado kale sida wadnaha,  kelyaha. Sidee ayuu Ku yimadaadaa. Waxa uu ka dhashaa xaalado adag sida in ay xididdada dhib ka jirto, kelyaha,  xaalado beerka la xidhiidha.   1:Portal Hypertension: waa kacsanaanta cadaadiska arooraha beerka.  Siyaaditaanka cadaadiska qulqulka dhiigga ee beerka waa barta ay ka curaneyso sameysanka dheecanka. Taasi waxay siyaadineysaa  cadaadiska habdhiska arooraha beerka,  waxa uu sababayaa dheecanka olol ka yimid xiddidada  gododka caloosha.  Kacsanaanta cadaadiska xiddidada beerka waxay keenayaan in dhiigga dib ugu soo laabto xiddidada quudsha xubnaha caloosha. Cadaadiska ka jirra xiddidada beerka  waxay keenayaan in hooraha ku ururo unug hoore u dhexeeyaha (interstitial space), taasina waxay keeneysaa in uu sameyso dheecanka caloosha. 2: Hypoalb...
Read more